تبلیغات
وطنم دلفان - شعر لکی دفتر شماره 2

              بسمه تعالی

تقدیم به محضر استاد دلفانی عزیزو گرامی

احوالم  پرسین نیشونَر نیشون

رسیم و خذمت استاد بیان

 

ادیبٌ سرمست ،شاعر توانمند

فرهیخته نازار،شیرینی چو قَند

 

استاد ادب فرهیختو،صَبور

مرد با ادب سرتا پا شعور

 

صاحب منصبی وَنوم لرسون

پیا نوم پیا ،شیرین لکستان

 

سخن گٌهَربارٌ،شیرین بیانی

سایه سرمونی استاد دلفانی

 

خطٌ قَلمٍت چو خط طلا بو

قدَ رعناکَت دورهٍ بلا بو

 

قصه کر نازار، کدخدا پیا

دشمن اَ دوس کَر،دوس بی ریا

 

خدا بزونه تو بی نظیری

تو سالار پیا، مهمان پذیری

 

کسب فیضم کرد اٍه کلام گرمت

اژ اخلاق خو وٍ گفتار نَرمٍت

 

مَرَسٍم و خزمت حضرتعالی

دست ماچاکم و نحو عالی

 

بارانی          04/11/1390

 

به پاس زحمات استاددلفانی عزیز که

خیلی دوستشان دارم امید است که

مورد تایید باشد

شهنشاه......

وتم بالابرز اٍ دوس دیاری

معروفی ونوم و خوش گفتاری

استاد دلفانی شهنشاه پیا

تو بی نظیری قسم و خدا

تو سایه سرمی مهٍ دوست دٍرٍم

مهٍ بی سایه تو اٍ دونیا سیرم

تو سفید کومی گرونی گرون

تو مرهم دردی چو همسا دُم شون

مٍنٍت کٍردَ سَر وقتٍ بیمار بیم

وقتٍ ناخوش بیم آلودُ زار بیم

خدا مَزونٍ تو قوت پامی

تورفیق دلسوزمری برامی

هتین و دیداراٍ  تن بیمارمَ

وتت بارونی شاگرد نازارمَ

بارانی

1390/12/22





 

تقدیم به برادرعزیزترازجانم فرامرزعزیز

بخاطر محبت های همیشگیشان

محبت.....

سلام فرامرز برا نازارم

خدا مَزانٍ مشتاق دیدارم

محبت عالی فراموش نٍمو

تا روژٍ مٍردن و سفیده خاو

اٍ لطف خدا حالم خو بیا

شرمنده تونم پیا نوم پیا

که همتا دیره شان وٌمقامت

سوگند وَمردی وٌ پاکی کلامت

مرام لکیت ثابت بی چو دار

سَرمَ فدای تو پیا لک نازار

هرچند که دونیام تاریک وسردهَ

دوسَل بزونن دلم پر دردَ

بارانی

139012/22



 


 


تقدیم به قلم  و اندیشه ی استاد دلفانی عزیزم


قلم تو بنوس اِ درد دلم / اِ خوسه هواردن رنج بی حاصلم

 

قلم تو بنوس وَربان مزارم / آزاده لکم و ترس بیزارم

 

اَر دُنیا حقَ حقیقت مِه بُو  / خواستار حقیم حقیقت هارکو

 

پیا لک هار کو تا سه ئر خاریم که / تا سه ئر زخم دل مینا کاریم که

 

سکوت پیا لک نشانه دردهَ / درد بی درمون جنسِ نامردهَ

 

مهِ قیام بکیم چو کاوه باستان / اِ مَرگ نَترسیم دل بنیمه گان



بارانی



 



......گلونی

ایمه کُل لَکیم حَقمون هوریایه
سرداری مخمل وَلَک مَنایه
 
مردمون لک چو اژ یک چوچیایم
هرکوم وَر گوشه و سختی ژیایم
 
پیر وُ اَژدادمون داغ اَ دٍل مٍردٍن
ظلم وُ زور شاهان کُل اژ بین بردن
 
لکستان پیال کُل چو شیرت کو
اَ شیرَل باستان کُل دَلیرت کو
 
پیال قامت دارشیرین زبونت
اَ شیرَل ژیون کَل هَر ناکومت
 
اَ پیال نومدار سفره دارت کو
پیال جور کیش عیال دارت کو
 
هانر کو جالعل قامت رنگینت
گلونی ژنعل کمر زرینت
 
دوره گلونی ارا خاموش بی
ارا چه رسوم کُل فراموش بی
 
مه قیام بکیم چو کاوه باستان
جاری کیم وَ دل  نوم لکستان
 
سرزمین لک جا مردَل مرد بی
سرزمین لک که هٍن نامرد بی
 
بارانی
 


 



تاریخ : پنجشنبه 17 فروردین 1391 | 10:39 ق.ظ | نویسنده : اصغر بارانی | نظرات

  • قالب وبلاگ
  • اس ام اس
  • گالری عکس